सोनापुर । एकतर्फी जित निकाल्दै एकम्बा फुटबल क्लब यहाँ जारी प्रथम वडा अध्यक्ष कप नकआउट फुटबल प्रतियोगिताको सेमिफाइनलमा प्रवेश गरेको छ ।

प्रतियोगिताको दोस्रो क्वाटरफाइनलतर्फ एकम्बाले दुहबी–८, सुनसरीलाई ५–१ को फराकिलो अन्तरले हराउँदै अन्तिम चारमा प्रवेश गर्न सफल भएको हो ।

खेलमा एकम्बाका उमेश कार्की म्यान अफ दि म्याच घोषित भए । उनले त्यसवापत नगद १ हजार र ट्रफी हात पारे । प्रतियोगिता अन्तर्गत असार १६ गतेको तेस्रो क्वाटरफाइनल खेल एकता युवा क्लब, इटहरी र पूर्वाञ्चल युनाइटेड, मोरङबीच हुने आयोजकले जानकारी दियो ।

दुहबी नगरपालिका वडा नम्बर ८ को कार्यालय, सोनापुरको आयोजनामा जारी प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले ३० हजार प्राप्त गर्नेछ । फाइनल खेल यही असार २१ गतेका दिन हुनेछ ।