काठमाडौं । चिनीय नयाँ वर्षको अवसर पारी फागुन पहिलो साता हुने नेपालको युथ टोली र चीनको युनान युथ क्लबबीचको मैत्रीपूर्ण फुटबल म्याचका लागि नेपाली टोलीको मुख्य प्रशिक्षकमा राजेश शाही नियुक्त भएका छन् ।

शाहीले शुक्रबार अखिल नेपाल फुटबल संघ –एन्फा) का महासचिव किरन राईले नियुक्तीपत्र हस्तान्तरण गरे । शाहीले आफ्नो नियुक्ति लगतै ४५ खेलाडीहरुलाई बन्द प्रशिक्षणमा समेत बोलाईसकेका छन् ।

त्यस्तै नेपाली टोलीको सहायक प्रशिक्षकमा दिपक भुषाल नियुक्त भएका छन् भने गोलकिपिङ प्रशिक्षकमा सैलेश कर्माचार्य र दिलिप क्षेत्री नियुक्त भएका छन् ।

स्मरण रहोस, नेपाली युथ टोलीले आउँदो फेब्रुअरी १५ (फागुन ३ गते) का दिन चीनको युनान युथ क्लबसँग दशरथ रंगशालामा मैत्रीपूर्ण फुटबल म्याच खेल्ने कार्यक्रम छ ।