तेस्रो नेपाल सुपर लिग (एनएसएल) चैत्रमा हुने

News

Home
News
तेस्रो नेपाल सुपर लिग (एनएसएल) चैत्रमा हुने

तेस्रो नेपाल सुपर लिग (एनएसएल) चैत्रमा हुने

गोलनेपाल Dec 12, 2024 19:35

काठमाडौं । अखिल नेपाल फुटबल संघको प्राविधिक सहयोगमा नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना गर्ने नेपाल सुपर लिगको तेस्रो सिजन यही २०८१ चैत्र १६ (मार्च २९, २०२५) गतेबाट सुरु हुने भएको छ।

बिहीबार एन्फा कम्प्लेक्स सातदोबाटोमा एन्फा महासचिव किरण राईले नेपाल सुपर लिगका प्रबन्ध निर्देशक श्रेयांस कार्कीलाई चैत्र १६ गतेबाट सुरु हुनेगरी अनुमतिपत्र प्रदान गरे ।

एन्फा महासचिव राईले नेपाल सुपर लिगले नेपाली फुटबलको स्तरउन्नतिको लागी महत्वपूर्ण छाप छोडेको र नेपाली फुटबलको विकासमा ठूलो योगदान पुर्याएको बताए ।

सोही अवसरमा नेपाल सुपर लिगका प्रबन्ध निर्देशक कार्कीले नेपाल सुपर लिगको तेस्रो सिजनका लागि उत्साहित रहेको र नेपाल सुपर लिगका फ्यानहरुलाई तेस्रो सिजन झनै स्मरणीय बनाउने बताए ।

स्मरण रहोस, गत वर्ष सम्पन्न नेपाल सुपर लिगको दोस्रो संस्करणको उपाधि ललितपुर सिटी फुटबल क्लबले जितेको थियो । फाइनलमा ललितपुरले धनगढीलाई ३–२ ले हराउँदै पहिलोपटक उपाधि जित्न सफल भएको हो ।

Post Comments

Previous एपिएफ गण्डकी फाइनलमा, उपाधिका लागि एन्फा कास्कीसँग भिड्ने

Next इलाम गोल्डकपको फाइनलमा एनआरटी, चर्च ब्वाईजसँग उपाधि भिडन्त