पोखरा । मालेपाटन युवा क्लब, पोखराको आयोजनामा मंसिर १६ देखि २२ गतेसम्म दोस्रो मालेपाटन कप खुला सेभेन ए साईड नकआउट फुटबल प्रतियोगिता हुने भएको छ ।

पोखरा–५ स्थित मालेपाटन खेलमैदानमा हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क ७५०० तोकिएको पनि आयोजकले जनाएको छ ।

प्रतियोगिताको विजेताले उपाधिसहित नगद १ लाख ३५ हजार हात पार्नेछ भने उपविजेताले ७० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै अनुशासित टोलीलाई ७५००, सर्वोत्कृष्ट खेलाडीलाई ५००० र अन्य विधातर्फका उत्कृष्ट खेलाडीहरुलाई जनही ३–३ हजारसहित ट्रफीको व्यवस्था गरिएको खेल संयोजक सुजन गुरुङले जानकारी दिए ।