पोखरा । ‘खेल खेलौं, मित्रता बढाऔं’ भन्ने नाराका साथ युवा खेल अभियन्ता शिवको आयोजनामा आउँदो मंसिर ७ र ८ गतेका दिन प्रथम ४०+ भेट्रान्स सिक्स ए साईड फुटसल प्रतियोगिता हुने भएको छ ।

रानीपौवा स्पोर्टस सेन्टरमा हुने प्रतियोगिताको टिमदर्ता पनि खुला गरिएको छ । साथै टिमदर्ता शुल्क ५००० तोकिएको छ । प्रतियोगिताको विजेताले उपाधिसहित नगद ५०००० हात पार्नेछ भने उपविजेताले २५,५०० सहित ट्रफी, मेडल र प्रमाणपत्र प्राप्त गर्नेछ ।

प्रतियोगितामा सहभागिता जनाउने प्रत्येक टोलीहरुमा एकजना ४४ वर्ष माथिको खेलाडी अनिवार्य हुनुपर्ने पनि आयोजकले जनाएको छ । साथै सम्बन्धित खेलाडी र टोलीले प्रमाण खुल्ने आवश्यक कागजात पनि अनिवार्य ल्याउनुपर्ने आयोजकले जानकारी दियो ।