इँटाभट्टा । झापाको मेचीनगर ८ स्थित इँटाभट्टामा आयोजना हुने भनिएको प्रथम इँटाभट्टा नकआउट जिल्लास्तरीय फुटबल प्रतियोगिता स्थगित भएको छ ।

तीन दिनदेखि परेको अविरल वर्षाका कारण खेलमैदान हिलाम्मे भएका कारण प्रतियोगिता स्थगित गर्नु परेको आयोजकले जनाएको छ । भोलिदेखि प्रतियोगिता सुरु हुने भएको थियो ।

तर, आयोजक समितिको आज बसेको बैठकले उक्त निर्णय गरेको हो । इँटाभट्टा फुटबल क्लबका अध्यक्ष मनकुमार लिम्बूका अनुसार यो प्रतियोगिता कात्तिक २ गतेदेखि ९ गतेसम्म हुने छ ।

यसअघि असोज १२ गतेदेखि १९ गतेसम्म हुने प्रतियोगिताको तालिका सार्वजनिक गरिएको थियो । प्रतियोगितामा आयोजक क्लबसँगै सतासीधाम स्पोर्टिङ क्लब, शनिश्चरे एफसी, ह्याप्पी क्लब, डिएफसी, ब्रदर्स युनाइटेड, चात्या सा एफसी र पाहुना टोली गोर्खा ब्वाइज भारतीय टोलीले प्रतिस्पर्धा गर्नेछन् ।