काठमाडौं । त्रिवेणी युवा क्लब र लोकल युथ ब्वाईज क्लबको आयोजनामा यही साउन २६ गतेदेखि प्रथम त्रिवेणी र लोकल युथ ब्वाईज कप यु–१८ फुटबल प्रतियोगिता हुने भएको छ ।

आयोजकले प्रतियोगिताको खेलतालिका पनि सार्वजनिक गरेको छ । उद्घाटन खेलमा साउन २६ गतेका दिन २ बजे हुने पहिलो खेलमा आयोजकको टोली र आमचोक युवा क्लब भिड्ने छन् । त्यस्तै ३ बजे हुने दोस्रो खेलमा फोक्ताङ युथ क्लब र फुङ्नाम स्र्पोटिङ क्लब भिड्ने छन् ।

कुल २४ टोलीहरुको सहभागिता रहेको प्रतियोगिताको विजेताले उपाधिसहित नगद २० हजार हात पार्नेछ भने उपविजेताले १० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।