काठमाडौं । नेपाली राष्ट्रिय पुरुष फुटबल टोलीका महत्वपूर्ण सदस्य तथा अनुभवी डिफेन्डर रोहित चन्द आफ्नो वर्तमान इण्डोनेसियन क्लब पेर्सिक केदिरी मै रहने भएका छन् ।

यो कुराको पुष्टी क्लबले पनि आफ्नो सामाजिक सञ्जालमार्फत आधिकारिक रुपमा पुष्टी गरेको छ । यो पुष्टी भएसँगै रोहितले इण्डोनेसियाको शिर्ष लिगमा थप सिजन खेल्ने निश्चित भएको छ ।

सन् २०२२ मा अर्को इण्डोनेसियन क्लब पेर्सिजा जकार्ताबाट केदिरीमा आवद्ध भएका रोहितले टोलीका लागि महत्वपूर्ण खेलाडीका रुपमा नियमितजसो पहिलो रोजाईमा रहेर खेल्दै आइरहेका छन् ।

पेर्सिकलाई गत सिजन इण्डोनेसियन सुपर लिगको नवौं स्थानमा ल्याएर सिजनको समापन गर्न रोहितको पनि महत्वपूर्ण भूमिका रह्यो । यद्यपि रोहितले क्लबका लागि अहिलेसम्म महत्वपूर्ण उपाधि र सफलता भने हात पार्न सकेका छैनन् ।