काठमाडौं (एजेन्सी) । एएफसी यु–२३ एसियन कपतर्फ डिफेन्डिङ च्याम्पियन साउदी अरेबिया क्वाटरफाइनलबाटै बाहिरिएको छ । तेस्रो क्वाटरफाइनलतर्फ साउदीले गत संस्करणको उपविजेता उज्वेकिस्तानसँग ०–२ को हार बेहोर्दै प्रतियोगिताबाट बाहिरिएको हो ।

रोचक कुरा त, गत संस्करणको फाइनलमा साउदीले उज्वेकिस्तानमाथि समान २–० को जित निकाल्दै उपाधि जितेको थियो ।

त्यस्तै प्रतियोगिताको चौथो क्वाटरफाइनलमा इराकले भियतनाममाथि १–० को जित निकाल्दै सेमिफाइनल यात्रा तय गर्यो । साथै यी दुई खेलको नतिजासँगै प्रतियोगिताको सेमिफाइनल समिकरण पनि पूरा भएको छ ।

सोमबार हुने पहिलो सेमिफाइनलमा इण्डोनेसियाले उज्वेकिस्तानको सामना गर्नेछ भने सोही दिन हुने दोस्रो सेमिफाइनलमा इराकले बलियो जापानसँग पतिस्पर्धा गर्नेछ ।