काठमाडौं । इण्डोनेसियाको शिर्ष फुटबल लिगमा व्यवसायीक फुटबल खेलिरहेका नेपालका चर्चित डिफेन्डर रोहित चन्दको टोली पेर्सिक केदिरी सोमबार सम्भावित हारबाट जोगिएको छ ।

पेर्सिकको घरेलु मैदानमा भएको खेलमा पेर्सिकले पाहुना टोली पिएसएमसँग हार नजिक पुगेर पनि रोमाञ्चक १–१ गोलको बराबरी खेल्दै अंक खोस्न सफल भयो । खेलको ८६औं मिनटमा युरानको गोलबाट पिएसमएले खेलमा अग्रता बनाएको थियो ।

एक समय हारको संघारमा पुगेको पेर्सिकका लागि वैकल्पिक खेलाडीका रुपमा मैदान प्रवेश गरेका जिम केलीले इन्जुरी समयमा गोल गर्दै घरेलु टोलीको सम्भावित हार टारे भने महत्वपूर्ण अंक खोस्न पनि सफल भएका थिए ।

खेलमा रोहितले पनि पहिलो रोजाई मै रहेर पेर्सिकका लागि पूरा समय खेले । यो नतिजापछि २३ खेलबाट ३४ अंक जोडेको पेर्सिक लिगतालिकाको छैठौं स्थानमा छ । उता पिएसएम भने २९ अंकका साथ ११औं स्थानमा छ ।