काठमाडौं । दोस्रो नेपाल सुपर लिग (एनएसएल) तर्फ आइतबार स्र्पोटिङ इलाम फुटबल क्लब र बुटवल लुम्बिनी फुटबल क्लब भिड्दै गर्दा इलाम लगातार दोस्रो जितको योजनामा हुनेछ भने बुटवल पहिलो जितको खोजीमा ।

गत साता झापालाई हराएर उत्साहित बनेको इलाम आज सोही प्रदर्शनलाई बुटवल विरुद्ध दोहोर्याउने योजनासहित मैदानमा उत्रिनेछ । उता लगातार दुई खेलमा हार बेहोरेको बुटवल भने लिगमा पहिलो अंक जोड्ने प्रयासमा हुनेछ । यद्यपि दुवै टोलीको लक्ष्य भने निश्चित जित नै रहनेछ ।

खेल दशरथ रंगशालामा साँझा ५ः३० बजेदेखि शुरु हुनेछ । दर्शकहरुले आईएमई–पे मार्फत अनलाईन वा रंगशाला मै उपस्थित भएर टिकट खरिद गर्न सक्ने छन् । टिकट मुल्य सामान्यतर्फ २०० र विशिष्टतर्फ ५०० तोकिएको छ ।