झिलझिले । दुधे फुटबल क्लब र एमएफसी यहाँ जारी प्रथम बोका जुनियर कप नकआउट फुटबल प्रतियोगिताको सेमिफाइनलमा प्रवेश गरेका छन् ।

मंगलबार भएको क्वाटरफाइनल खेलतर्फ दुधेले फुलबारी स्र्पोटिङ क्लबलाई शून्यका विरुद्ध १ गोलले हराउँदै अन्तिम चारमा स्थान बनाउन सफल भयो ।

त्यस्तै अर्को क्वाटरफाइनलमा एमएफसीले द राईजिङ युथ क्लबलाई टाईब्रेकरमा हराउँदै सेमिफाइनल प्रवेश गर्यो । त्यसअघि निर्धारित समयको खेल दुवै टोलीले १–१ गोलको बराबरी खेलेका थिए ।

बोका जुनियर फुटबल क्लब, शिवसताक्षी नगरपालिका–८, झिलझिले, झापाको आयोजनामा जारी प्रतियोगिताको विजेताले उपाधिसहित नगद २५ हजार हात पार्नेछ भने उपविजेताले १५ हजार प्राप्त गर्नेछ । फाइनल खेल यही असोज २० गतेका दिन हुनेछ ।