काठमाडौं । यु–१६ ए डिभिजन लिगतर्फ शनिबार भएका दुई खेलहरु मध्ये एक खेलमा एफसी खुमलटारले उत्कृष्ट जित हात पार्दा अर्को खेलमा नेपाल पुलिस क्लब र चर्च ब्वाईज युनाइटेड रोमाञ्चक बराबरी खेलेका छन् ।

एन्फा कम्प्लेक्समा भएको खेलमा खुमलटारले फ्रेण्डस क्लबमाथि ३–१ को प्रभावशाली जित निकाल्यो । त्यस्तै च्यासल स्टेडियमा भएको खेलमा भने पुलिस र चर्च ब्वाईजले ३–३ गोलको रोमाञ्चक बराबरी खेल्दै अंक बाँडे ।

प्रतियोगिता अन्तरगत चौथो चरणका खेलहरु आउँदो साउन २० गतेदेखि शुरु हुने अखिल नेपाल फुटबल संघ (एन्फा) ले सार्वजनिक गरेको खेलतालिकामा उल्लेख छ ।