काठमाडौं । ब्रिसबेन वारियर्स फुटबल क्लब, ब्रिसबेन, अष्ट्रेलियाको आयोजनामा आगामी नोभेम्बर ४ र ५ तारीखका दिन प्रथम वारियर्स कप खुला नकआउट फुटबल प्रतियोगिता हुने भएको छ ।

मिचेलटन फुटबल क्लबको खेलमैदानमा हुने प्रतियोगितामा सहभागिता जनाउन चाहने इच्छुक क्लबहरुका लागि टिमदर्ता पनि अहिलेबाटै खुला गरिएको आयोजकले जानकारी दियो । प्रतियोगितामा अष्ट्रेलियामा रहेका आप्रवासी नेपालीहरुको टोलीले सहभागिता जनाउन पाउने पनि आयोजकले जनाएको छ ।

प्रतियोगिताको विजेताले उपाधिसहित १० हजार डलर हात पार्नेछ भने उपविजेताले ५ हजार डलर प्राप्त गर्नेछ । त्यस्तै तेस्रो स्थान हासिल गर्ने टोलीले पनि ३ हजार डलर प्राप्त गर्ने आयोजकले जानकारी दियो । त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।