काठमाडौं । यु–१६ ए डिभिजन लिगतर्फ बिहीबारदेखि दोस्रो चरणका खेलहरु शुरु भएका छन् । पहिलो खेलमा एपिएफसँग २–१ ले पराजित हुन पुगेको संकटा क्लबले दोस्रो चरणतर्फको पहिलो खेलमा बिहीबार उत्कृष्ट जित हात पार्यो ।

सातदोबाटो स्थित एन्फा कम्प्लेक्समा भएको खेलमा संकटाले चर्च ब्वाईज युनाइटेडमाथि ४–१ को प्रभावशाली जित हात पारेको हो । चर्च ब्वाईजले भने लिगमा लगातार दोस्रो हार बेहोरेको छ । चर्च ब्वाईजले पहिलो चरणको खेलमा फ्रेण्डससँग २–० को हार बेहोरेको थियो ।

लिग अन्तरगत दोस्रो चरणका बाँकी चार खेलहरु साउन ६ गते शनिबारका दिन हुने एन्फाले जनाएको छ ।