काठमाडौं । नेपालकी महिला फिफा रेफ्री अन्जना राई एएफसी इलिट वुमन रेफ्री तथा असिस्टेन्ट रेफ्री प्यानल २०२२ मा सामेल भएकी छिन् ।

राईले एएफसी वुमन रेफ्री एण्ड असिस्टेन्ट रेफ्री सेलेक्सन कोर्ष पूरा गरेपछि सो प्यानलमा परेको कुरा अखिल नेपाल फुटबल संघ (एन्फा) ेले जानकारी दियो । साथै अन्जना सो प्यानलमा परेको कुरा एएफसीले एन्फालाई शुक्रबार पत्राचार गरि जानकारी गराएको थियो ।

यो प्यानेलमा सामेल भएसँगै अन्जनाले आउँदो नोभेम्बरमा हुने प्रतिष्ठित एएफसी इलिट रेफ्री तयारी कोर्षमा सामेल हुन पाउने छिन् । स्मरण रहोस, राईले गत वर्ष मात्र फिफा रेफ्री बेज हात पारेकी थिईन् ।