![](https://goalnepal.com/np/uploads/news/1578111216.jpg)
गोलनेपाल हरेक महिना कुनै जिल्लामा पुगी त्यहाँ रहेका युवा फूटबल परियोजना, महिला फूटबल, जिल्ला फूटबल संघ साथै क्लब, रेफ्री, सामुदायिक बिद्यालयहरुलाई सहयोग प्रदान गर्दै आइरहेको छ ।
यसै सिलसिलामा यसपटक गोलनेपाल फाउण्डेसन पौष महिनामा पाँचथर जिल्ला पुगी स्वतन्त्र क्लब मार्फत जिल्लाका नयाँ रेफ्रीहरुको लागि सहयोग प्रदान गरेको छ ।
सो अवसरमा गोलनेपालले रेफ्रीहरुका लागि रेफ्री सेट (४ जनाको लागि पुरा रेफ्री ड्रेस सेट, सिठ्ठी, कार्ड होल्डर, फूटबल पम्प) र चेन्जिङ बोर्ड प्रदान गरिएको थियो ।
![](https://i1.wp.com/www.kheldainik.com/wp-content/uploads/2020/01/81537501_3635382479813009_6136745892109090816_n.jpg?w=960)
गोलनेपालका सिइओ बिक्रम थापाका अनुसार नेपालका हरेक जिल्लामा फुटबलसँग सम्बन्धि कार्यहरुमा आफूहरुले योगदान दिन पाउँदा खुशी लाग्ने बताए । सिइओ थापा भन्छन्, ‘नयाँ रेफ्रीहरु पनि अगाडि बढ्न सकुन भनेर हामीले सहयोग गरेका हौं ।’
पाँचथरमा हालै सम्पन्न फिदिम सिटी कपका अवसरमा गोलनेपालका प्रदेश १ प्रमुख रमेश समदर्सी राइले उक्त सहयोग सामाग्री स्थानीय रेफ्रीलाई हस्तान्तरण गरेका थिए ।
यो सहयोग अभियानसँगै गोलनेपाल हालसम्म नेपालको ३१ जिल्लाहरुमा पुग्न सफल भएको छ । साथै यो अभियानलाई आगामी महिनाहरुमा पनि निरन्तरता दिने सिइओ बिक्रम थापाको योजना छ ।