काठमाडौं । माल्दिभ्सको शिर्ष फुटबल लिग खेलिरहेका नेपालका दुई चर्चित खेलाडीद्वय रेखा पौडेल र दिपा शाही सम्मिलित माजिया स्पोर्टसले लिगमा आफ्नो उत्कृष्ट जितको लयलाई कायम राखेको छ ।

उता डेब्यु खेलबाटै लगातार गोल गरीरहेकी रेखा पौडेलले पनि आफ्नो शानदार गोल स्कोरिङ लयलाई समेत कायम राखेकी छिन् । लिगतर्फ माजियाले न्यु रेडियन्टलाई ३–० ले हराउँदा माजियाका लागि तीन गोल रेखाको नाममा रह्यो ।

खेलमा ह्याट्रिक गरेकी रेखा प्लेयर अफ दि म्याच समेत बनिन् । साथै यो ह्याट्रिकसँगै लिगतामा रेखाको व्यक्तिगत गोलसंख्या पनि सर्वाधिक सात पुगेको छ ।

यो जितपछि ३ खेलबाट ७ अंक जोडेको माजिया लिगतालिकाको शिर्षता कै होडमा छ । माजियाले आफ्नो आगामी खेल २३ डिसेम्बरका दिन ओडी स्पोर्टससँग खेल्नेछ ।