काठमाडौं । नेपाली राष्ट्रिय फुटबल टोलीका महत्त्वपूर्ण सदस्यहरु अन्जन बिष्ट, एरिक बिष्ट, योगेश गुरुङ र सनिष श्रेष्ठले एकै क्लबबाट बंगलादेशको शिर्ष लिग खेल्ने भएका छन ।

यी चारै खेलाडीहरुलाई बंगलादेशको सफलतम क्लब मध्ये एक ब्रदर्श युनियनले अनुबन्ध गरेको हो । योसँगै बंगलादेशको शिर्ष फुटबल लिग खेल्ने नेपाली खेलाडीहरुको संख्या आठ पुगेको छ ।

स्मरण रहोस, बंगलादेश पुलिस एफसीले किरन चेम्जोङ र आयुश घलानलाई अनुबन्ध गरिसकेको छ भने अभिषेक लिम्बू रहमतगंज र अनन्त तामाङ फोर्टिसमा आवद्ध भएका छन ।