काठमाडौं । नेपाली राष्ट्रिय महिला फुटबल टोलीका मुख्य प्रशिक्षक प्याट्रिक डि विल्डेले आफ्नो जिम्मेवारीबाट राजिनामा दिएका छन् । ६१ वर्षिय बेल्जियन प्रो लाइसेन्स प्रशिक्षक प्याट्रिक एक महिना अघि मात्रै महिला फुटबल टोलीको मुख्य प्रशिक्षकमा नियुक्त भएका थिए ।

एएफसी महिला एसियन कप छनौट प्रतियोगितालाई लक्षित गरेर प्याट्रिकलाई टोलीको मुख्य प्रशिक्षकको जिम्मेवारी दिइए तापनि छनौट प्रतियोगिता सकिए लगतै उनी त्यतैबाट स्वदेश फर्किएका थिए ।

त्यसलगतै एन्फासँगको विवाद बाहिरिए पछि त्यसले नेपाली फुटबलमा ठूलै चर्चा बटुलेको थियो । प्याट्रिकले एन्फा नसुध्रिए आफ्र नेपाल नफर्कने समेत बताएका थिए । अन्ततः विभिन्न अडकलबाजीका बीच प्याट्रिकले राजिनामा दिएका हुन् ।

प्याट्रिकको राजिनामाबारे अखिल नेपाल फुटबल संघ (एन्फा) ले भने आधिकारिक रुपमा अहिले केही खुलाएको छैन ।