काठमाडौं । एएफसी महिला एसियन कप छनौट कै तयारीमा रहेको छिमेकी राष्ट्र भुटानले आफू भन्दा बलियो टोली हङ्गकङ्गलाई बराबरीमा रोकेको छ ।

भुटानमा बुधबारदेखि शुरु भएको तीन देशीय सिरिज अन्तर्गत आफ्नो पहिलो खेलमा फिफा वरियताको १७२औं स्थानमा रहेको भुटानले ८०औं स्थानमा रहेको हङ्गकङ्गलाई गोलरहित बराबरीमा रोकेको हो ।

सिरिज अन्तर्गत भुटानले आफ्नो दोस्रो खेल ३१ मईका दिन अर्को बलियो टोली मलेसियासँग खेल्नेछ । फिफा वरियतामा मलेसिया हाल १०२औं स्थानमा छ ।

स्मरण रहोस, एएफसी महिला एसियन कप छनौटतर्फ समूह ए मा रहेको भुटानले आयोजक जोर्डनसहित इरान, लेबनान र सिंगापुरसँग खेल्ने कार्यक्रम छ ।