बिराटनगर । उत्कृष्ट जितका साथ तेस्रो मिल्स भेट्रान्स गोल्डकपको उपाधि हाम्रो धरान भेट्रान्स क्लब, सुनसरीले जितेको छ । फाइनलमा हाम्रो धरान भेट्रान्सले आयोजक मिल्स भेट्रान्स क्लब, मोरङलाई ३–० ले हराउँदै उपाधिमाथि कब्जा जमाउन सफल भएको हो ।a

विजेता बनेको हाम्रो धरान भेट्रान्सले उपाधिसहित नगद ७५ हजार हात पार्यो भने उपविजेता मिल्स भेट्रान्सले ३५ हजारसहित ट्रफी, मेडल र प्रमाणपत्रमा चित्त बुझायो । हाम्रो धरानका पदम राई फाइनल खेलको म्यान अफ दि म्याच समेत चुनिए ।

अन्य विधातर्फ प्रतियोगिताको सर्वोत्कृष्ट खेलाडी मिल्स भेट्रान्सका जय दोवकोटा घोषित भए । त्यस्तै सर्वाधिक गोलकर्ताको पुरस्कार मिल्स भेट्रान्स कै कृष्ण शाक्यले हात पार्दा उत्कृष्ट गोलरक्षक हाम्रो धरानका बिकास लामा चुनिए ।