काठमाडौं । जिल्ला समन्वय समिति, काठमाडौंको आयोजनामा सम्पन्न भएको डिसीसी कप अन्तरपालिकास्तरीय नकआउट फुटबल प्रतियोगिताको उपाधि दक्षिणकाली नगरपालिकाले जितेको छ ।

फाइनलमा दक्षिणकालीले चन्द्रागिरी नगरपालिकालाई टाईब्रेकरमा हराउँदै उपाधि जित्न सफल भएको हो । निर्धारित समयको प्रतिस्पर्धात्मक खेल २–२ को बराबरीमा टुंगिएपछि टाईब्रेकरमा दक्षिणकालीले चन्द्रागिरीमाथि ४–२ को जित निकाल्दै उपाधि उचाल्यो ।

विजेता बनेको दक्षिणकाली नगरपालिकाले उपाधिसहित नगद २ लाख हात पार्यो भने उपविजेता चन्द्रागिरी नगरपालिकाले १ लाखसहित ट्रफी, मेडलमा चित्त बुझाउन बाध्य बन्यो ।