काठमाडौं । एन्फा महिला लिग राष्ट्रिय फुटबल प्रतियोगिता अन्तर्गत उपाधिको दावेदार साविक विजेता एपिएफ फुटबल क्लबले बिहीबार एकतर्फी र फराकिलो जित हात पारेको छ ।

एन्फा कम्प्लेक्सको मैदानमा भएको खेलमा एपिएफले अर्को विभागीय प्रतिद्वन्द्वी नेपाल पुलिस क्लबमाथि ६–० को एकतर्फी जित निकाल्यो । खेलमा एपिएफका लागि कप्तान अनिता बस्नेतले ह्याट्रिक गर्दा सरु लिम्बुले दुई गोल गरिन् । थप एक गोल भने रेनुका नगरकोटीले गरीन् ।

यो नतिजापछि तीन खेलबाट शतप्रतिशत नतिजा निकालेको एपिएफको खातामा ९ अंक छ । उता लिगको पहिलो हार बेहोरेको पुलिससँग ४ खेलबाट ७ अंक छ ।