काठमाडौ । बडादशैंको अवसर पारी झमेल रक्सको आयोजनामा यही असोज १९ गतेका दिन चौथो दशैं फुटसल कप हुने भएको छ ।

सानेपा स्थित फिल्ड फुटसलमा हुने प्रातियोगिताको तयारी पनि अन्तिम चरणमा रहेको आयोजक क्लबका दिपेश श्रेष्ठले जानकारी दिए ।

प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजार सहित ट्रफी, मेडल र प्रमाणपत्र प्राप्त गर्ने आयोजक क्लब कै अर्का सदस्री ओमकार खडकाले बताए ।

त्यस्तै विधागततर्फ उत्कृष्ट हुने खेलाडीहरुलाई पनि जनही नगद ५,५५५ रुपैयाँ सहित ट्रफी प्रदान गरिने आयोजकले जानकारी दियो ।