काठमाडौं । दावेदार र साविक विजेता जापान जारी एएफसी यु–१७ एसियन कपको क्वाटरफाइनलबाटै बाहिरिएको छ । प्रतियोगिताको पहिलो क्वाटरफाइनलतर्फ जापानले आयोजक साउदी अरेबियासँग टाईब्रेकरमा हार बेहोर्दै प्रतियोगिताबाट बाहिरिएको हो ।

निर्धारित समयको खेल २–२ गोलको रोमाञ्चक बराबरीमा टुंगिएपछि टाईब्रेकरमा साउदी अरेबियाले जापानमाथि ३–२ को जित निकाल्दै सेमिफाइनलको यात्रा तय गर्न सफल भयो ।

त्यस्तै दोस्रो क्वाटरफाइनलतर्फ उज्वेकिस्तानले युएईमाथि ३–१ को प्रभावशाली जित निकाल्दै अन्तिम चारमा स्थान बनाउन सफल भयो ।